A candidata (Eleccións Europeas II)

A Candidata (Eleccións Europeas II)

Ana Miranda. Apunten ese nome, se é que non foron quen de coñecela nalgunha das súas visitas relámpago a Bos Aires, Barcelona ou Compostela.

Ana Miranda representa traballo, diálogo, capacidade de integración, descurso, esquerda, feminismo, europeísmo, dignidade e sinceridade. Ana Miranda non só é a mellor das candidatas posíbeis, se non que é a candidata. Acumula 10 anos de experiencia en Bruxelas, domina as tres principais linguas da Unión (inglés, francés e alemán). E sobre todo, non se conforma con nada.

Ana Miranda é unha muller. É agarimosa e sensible, pero loitadora e valente coma ninguén. Ana é independente; pero ten unha bagaxe ideolóxica de esquerdas netamente demostrada coa súa defensa doutra Europa (censurando a Europa do capital e dos Estados).

Ana Miranda é a vicepresidenta da Alianza Libre Europea. É a cara visíbel do BNG en Europa e América, a representante dos que tiveron que marchar (da Galiza Exterior, como ela di).

Ana é compromiso, é FORZA, é ILUSIÓN pra saír dos malos momentos. É daquelas persoas que sempre aparecen no momento axeitado pra arranxar unha situación; ou para arrincarche un sorriso cando a cousa está fodida.

O BNG ten que ser todo iso. Ten que encabezar cartel cunha muller, ten que xerar ilusións nos que a perderon, ten que espallarse máis alá das fronteiras e convencer coa súa mensaxe. O BNG ten que ser Ana Miranda.